L'IMENSA TENEREZA DEL'AMIGA POLACA CHE ME SCRIVE IN VENEZIAN

Dedicà a Agnieszka Micek Iwon

seguendo al via dell'ambra dal mar Baltico al Veneto

Go na grande amiga polacca in facebook, ormai da diversi ani, che la ga un immenso amore par la nostra tera,  che la sa che le  nostre raixe le ga qualche ramo anca intorno al mar Baltico e ne la so grande Patria, e che ama Venezia com e forse più de noialtri.
Quando la me scrive in chat adeso la me scrive in "venezian" (el veneto, tanto par capirse, che parlemo in pianura).  E come sempre a lezerla, me son comosso, pensando che senza maestri, senza la posibilità de frequentar veneti (cha magari da noialtri i parla l'italian) ma seguendo i nostri post la ze ormai parona de la nostra lengua.
Grazie Agnese, te si un tesoro, chi te conosse sa che persona bea che ti ze.. se solo la metà dei Veneti de adesso fosse tacà a l'identità e a la storia de sta tera, come ti ze ti, sarissimo da novo ne vera Nazion.
Ma forse el governo de Venezia,così atento a conglobar tute le picole nazion rispetando la libertà e la storia de tuti,  senza inpor né na gramatica né lna lengua scrita comune no ne ga jutà ad conservar l'idea de quel che gerimo.
Vojo dir che l'idea de Vendezia jera na idea universale de libertà, te te metevi soto le ali del Leon portandote tuta la to storia, senza rinunziar a gnente, parché par esser "Veneti" no ghe ne jera bisogno. E cussì Veneti, Lombardi, Furlani Slavi e Dalmatini, parfin Greghi, se sentiva "veneziani" e i parlava anca el veneto senza che nesun se sognasse de inporghelo come invese ze sucesso co l'italian
Xe nel momento atual, in cui l'Italia (specie nei ultini 60 ani) ne nega la libertà de difender la nostra identità,  nega la nostra lengua (de cui se trova trace da IV secolo dopo Cristo), che i Veneti in senso streto ga scumissià a inacorzerse de quel che i ze drio a perdere.
A parte el discorso de la rapina d ele risorse,  dato che semo el bancomat del bel Paese, insieme a la Lombardia, la cosa che no dovemo perder ze la coscianza de quel che semo e jerimo.
Semo un popolo, na Nazione co 3000 ani de storia, semo queli ceh ga fondà Venezia e che prima gavevimo fondà Altino e Padova. La civiltà veneta ga illuminà l'europa fin a l'ultino giorno de libertà, e no basta serto un ignorante come Toscani, A CONVINSERNE CHE SEMO DE LE SCOASSE DE LA STORIA .