Al dì de ancò i resiste ancora i lavatoi publici, qua in val che n'è ancora un, a Fonzaso, in centro, un altro. Non più doparadi, i mete un poco de malinconia a vardarli. In pianura, in campagna, le nostre none e bisnone se trovava davanti al rubineto de l'acuedoto, che ancora l'acqua in casa, fin ai ani '50 gera un sogno.
Me ricordo che se scaldava na bassinela granda de metalo piena de acua, col fogo soto, e i nuzioli e la senare setaciada del fogher. Questo gera "far la lissia".Dopo qualche ora ne la mastela se fazeva el primo lavagio par cavar via el grosso del sporco e po' se rimeteva a molo tuta la note. Con sti pani, portadi a volte co la cariola, le done andava al lavatoio publico o al rubineto in comune, par finir el lavoro. Le se dava na man tra de lore, dovendo tirar e strizzar i nizioli e po' rasentarli ne l'acua corente. Le doparava chel bon saon de Marsilia de na volta, el detersivo in polvare no gera ancora ridà.
Gera na gran fadiga, par le nostre none, ma gera anca un momento par far quatro ciacole, se le se trovava a la fonte in tante. Me nona Lucia lavava nel cortil de casa, a Noventa Padovana, da sola, e no ghe mancava mai, vissin la mastela, un godo de rosso. E dopo un poco, no so parché, la cantava sempre tuta alegra. :) <3
Commenti
Posta un commento