MARCHESCO, MARCIAN.. O MARCOLIN ?

MARCHESCO, MARCIAN.. O MARCOLIN ?  La prima volta che go scumissà a pensarghe su ze sta co go avvicinà Luigi Faccia qualche mese dopo l'impresa del campanil. 

MARCHESCO

Lu doparava spesso el termine "marchesco" e me piaxeva come lo dizeva.. col fogo dea passion par la nostra Patria Veneta, quea de Marc'Antonio Bragadin ad esempio, de cui ancò se comemora ea morte. Ogni sacrificio, pensando a lu, deventa natural, no ze gnente. Vardè che omeni cussì da drio i gaveva na Patria unida, con dei Valori condivisi. E alora vien da pensare che un movimento indipendentista vero, se no li trova, nol va da nessuna parte. A l'epoca i gera espressi in una sola frase, scolpia sul portale de na porta a Venessia, de na casa patrizia:

DEO ET PATRIA OMNIA DEBEO, A Dio e alla Patria devo ogni cosa, la vita mia, dei miei figli, della mia famiglia, e a sti dò "paroni" go da render conto. Ea Fede cristiana che gera a l'epoca el pilastro dea civiltà ocidentae (che par Venessia se manifestava nea maniera giusta, con ea separatezza tra cose temporai curade dal stato e cose spirituali curade dal Clero,e el stato vigilava ANCA sul clero, che i fazesse ben el so lavoro de preti) e ea Fede nea Patria par cui go da baterme.

Resta inteso che uno ze e resta libero de no creder nei dogmi dea ciesa, ma el ga da riconosser i valori cristiani come rego£a dea so vita e dea società. Come fazeva chel magnapreti de Benedeto Croce (non possiamo non dirci cristiani) o £a granda Oriana Fallaci (atea cristiana).

MARCIANO. 

El ze un termine classico, eo trovemo neL nome dea Biblioteca Marciana, un gran esempio de quanto i nostri governanti de alora amasse ea cultura. Del resto Venessia ze stada ea capital del Libro par tanto tempo.In efeti ghe saria più assonanza co £a lengua veneta.
Però no me par che noel gabia el stesso mordente de "marchesco" o anca de ...

MARCOLIN

Anca questo me xe caro, i lo doparava i "resistenti" quando ze rivà l'armada napoleonica, a torne ea nostra libertà e ea nostra Patria, e ancora semo senza.
Lori, arruoladi o volontari ne le "Cernide" i ga versà el so sangue, e cussì i se definiva.E cussì i li ciamava i traditori che ga apoggià Napoleon. che se definiva "patrioti", pensa ti che corajo. Tanti dei nostri che no gaveva l'uniforme, i se meteva el Leon de carta sul capel, ritaglià da qualche stampa che girava alora.

Però el me par un taninel datado, mi puntaria più sul "marchesco" par definir el movimento indipendentista. Sperando che l'imbochi con semprepiù decision ea strada che porta a l'uscita. VENEXIT, come qualche amigo scrive ultimamente :) co molta inteligenza