LA CREAZION VISTA DA LA VAL DE LA PIAVE: EL MUS, EL CAN, LA SIMIA E L'ON

Di Claudia Bortot

In prinsipio Dio crea el mus el ghe dis:"Te sarà mus .Te lavorarà sensa mai lamentarte ,dall'alba al tramonto,portando pesi sua gropa,te magnarà erba,no te avarà inteigensa e te vivarà fin 50 ani.Te sarà mus."
El mus ghe risponde:"sarò mus,però viver 50 ani i è massa damene 20."
El Signor dis:" Va ben."

E dopo Dio crea el can el ghe dis:"Te sarà can .Te difendarà la casa del on e te sarà el so mejo amigo ,te magnarà cuel che i te darà e te vivarà 35 ani.Te sarà can."
El can risponde:"Signor,viver 35 ani i è massa par mi dame 20 ani che me basta."
El Signor lo acontenta.

E alora Dio crea la simia.El ghe dis:"Te sarà simia.Te saltarà de rama in rama ,fasendo la pajassa,te divertirà tuti e te vivarà 20 ani.Te sarà simia."
Ma la simia ghe dis:"Signor ,viver 20 ani lè dura ,damene sol 10."
" Concesso",ghe dis el Signor.

Finalmente Dio crea l'on el ghe dis:"Te sarà on ,l'unico esere bon de rajonar sua facia dea tera,te usarà l'inteigensa par comandarghe a le bestie ,te dominarà el mondo intiero e te vivarà 20 ani.Te sarà on."
Risponde l'on:"Signor,sarò on va ben,ma viver 20 ani me par pochet,dame i 30 ani che el mus a rifiutà,i 15 che che el can no a voest, e i 10 che la simia no a acetà."
E cussi el Signor a fat.

Da alora, l'on vive 20 ani da on,el se sposa el passa 30 ani da mus,lavorando e portando pesi sua gropa.Dopo ,quando i fioi va par conto suo el vive 15 ani da can stando tento la casa e magnando cuel che i ghe da',par dopo rivar a eser vecio andar in pension e viver 10 ani da simia saltando de casa in casa ,da fiol a fiol e fasendo el pajasso par divertir i nevodi.