ESER SECO INCANDIO E... EL BISCOTO DE CANDIA

BONDI' A TUTI, ANCO' VE CONTO DE COME XE NATO EL MODO DE DIR NEA NOSTRA LENGUA: ESSER SECO INCANDIO.

BISOGNA CHE TORNEMO INDRIO AL 1669, QUANDO EL NOSTRO GRANDE FRANCESCO MOROSINI EL FIRMA LA RESA COL TURCO A CANDIA, MA CO L'ONORE DE LE ARMI, DOPO 22 ANI DE ASSEDIO.

VE PODI' IMAGINAR COME GERA RIDOTI I SUPERSTITI CHE I GAVEVA AVUDO EL PERMESSO DE ABANDONAR LA SITA' SENSA PERO' PORTAR VIA GNENTE. ALCUNI DE QUESTI I ZE STA STA' PORTA' A VENESIA E I GERA CUSSI' MAGRI E PATII CHE XE NATO EL MODO DE DIRE. "ESSER SECO INCANDIO" CIOE' PROPRIO TANTO MAGRO DA MOSTRAR I OSSI COME UNO DE CANDIA.
MA NALTRA ROBA ZE LEGADA A STO FAMOSO ASSEDIO: EL BISCOTO. NEL 1822 I GA TROVA' ANCORA INTATE DELE SCORTE DE "FRISOPO" CIOE' DEE GALETE BISCOTAE DE CUI SE GA PERSO EA RICETA E E GERA ANCORA BONE, PROFUMAE E COMESTIBILI.

LE GERA STA MANDAE DA VENESIA COME SCORTA ALIMENTARE E NEI DOCUMENTI DE L'EPOCA E GERA DEFINIE ANCA COME "BISCOTO" CIOE' COTO DO' VOLTE. LE VEGNEVA COTE,STE GAETE, DENTRO L'ARSENAL E LE FASEVA PARTE DE QUEL CHE PASSAVA GIORNALMENTE AI EQUIPAGI DE LE NAVI EL MINISTERO DEA GUERA DE L'EPOCA, INSIEME A LA PAGA.

ANCA CO NO I GERA INBARCAI, I SCIAVONI FAMOSI, PAR ESEMPIO, I RICEVEVA EL "FRISOPO" O BISCOTO.

A£A PROSSIMA, TOSI, TORNO A STUDIAR, EH!