D2: Di Do - Il Paese delle fontane gialle vietate

Spagna spaventà: Ła połiçia (spagnòła) ła sara
łe frontiere par paura che Puigdemont el torne.

Ła novità de ła matina l'è che 'l govèrno spagnòło - che 'l contròła ła Catalunya co łe łèji speciałi de l'art. 155 - el sara łe frontiere parché el ga paura che 'l Presidente ełèto Puigdemont (depòsto e costreto a l'èstero da l'órdene de arèsto e da łe minace de vegner copà) el pòsa tornar indrio. "Ma cosa gałi sti Catałani che i fa paura anca se i sta boni?"

Ła Spagna ła xe spaventà e confuxa: i vol ciaparlo i ło minàcia de coparlo ma no i vol farlo entrar. Manca na setimana al voto obligà da Madrid. Łe gigantografie dei partiti unionisti łe xe osesionanti: ghen'è a ògni canton. Cuaxi senpre soło cuełe.  Come nte łe ditadure.

E naturalmente el zało el xe vietà. Inte ła Catalunya controłà dal governo spagnòło łe autorità łe ga ordenà de cavar via el zało da l'iłuminaçion de łe fontane. "Caligola fece senatore il suo cavallo... Madrid vieta il giallo" parché el ricòrda i Catałani ancora sarai rènto łe prexon spagnòłe. I unionisti i ga fastìdio che se sàpie cuel che i conbina.

Parché i Catałani inprexonai no i ga mìa copà, no i ga mìa stuprà, i ga fato exerçitar el dirito de voto. "In Europa se pol far tante ròbe" - ghe xe zente che copa, zente che stupra, zente che ła roba, zente che ferise, zente che ła pòrta via i Africani dai so Paixi - "Ma no se pol gnancora far un Stato novo".