Sta volta vogio essar provocatorio parlando de magnar in venexian.

Sta volta vogio essar provocatorio parlando de magnar in venexian.
I discorsi seri dovarìa essar fati senpre coe ganbe soto ea tola, co davanti un goto de vin e un cicheto.

el FRISOPO, el bis-nono del baicolo o del bussolà?

ESAR SECO INCANDIO
Da Raixe Venete, http://www.raixevenete.com/esar-seco-incandio-lorigine-di-un-modo-di-dire-veneto/

Ogni riçetta come ogni modo de dir in venexian gà un tochéto de storia.
Par esempio, cuanti xe i venexiani che sa cosa vol dire, cuando si dise a ona persona, “ti xé seco incandìo!”
Cuando e el dove nasse: finio dopo 22 ani l'assedio de Candia (incuo Creta) da parte dei Turchi (ottomani), el Capitan Generale da Màr Francesco Morosini, dopo aver firmà ea resa co l'onor dee armi, xe riusio a portar i superstiti vivi a Venexia.
Cuesto diseva Alberto Toso Fei in un’intervista di Veneziani a Tavola, tempo fa…
" ... Nel 1669, quando i turchi entrarono a Candia, non vi trovarono i quattromila abitanti superstiti, erano già stati imbarcati e in viaggio per approdare alcune settimane più tardi a Venezia. Dalle condizioni in cui li si videro arrivare, prese piede in città i modi di dire “essere in Candia”, cioè “essere agli estremi”, ma anche “esser seco incandìo”, che ancora oggi si usa per indicare una persona particolarmente magra, per il fatto che non mangia. Nel 1821 (cioè dopo 152 anni dall’abbandono dell’isola da parte dei veneziani) furono trovate ancora intatte e sane (anzi, di gradevole sapore!) delle gallette inviate da Venezia per rifocillare le truppe nel corso del lungo assedio. La ricetta del “frisopo” (era questo il nome del particolare pane, noto anche con l’appellativo di biscotto) era segreta, e oggi non se ne trova più traccia. Unico indizio il nome, “bis-cotto” appunto, che lascia intendere come venisse cotto due volte per ridurne al minimo il contenuto d’umidità.
Le gallette venivano impastate appena fuori le mura dell’Arsenale, dove ancora oggi c’è Fondamenta dei Forni."

Par mi, ea storia dei frisopi e dei baicoli se gà incrosà. Provo far un rajonaménto un fià pe£egrìn. Che el baicolo sia on lontàn nevòdo del frisopo? Forse si, par via dea forma dea feta e del paneto
El frisopo dovarìa essar nato tra el milecuatroçento e el mileçincueçento invéze i baicoli i saria rivà tre secoi dopo, nel mileseteçento cuando i venexiani ga scominsià andar nee boteghe del café Florian o al Quadri in Piassa San Marco par tociarli nel cafè o nea cicolata o par magnarli co el zabajòn.

Frisopo o frisopìn, fato dai forneri todeschi par i marinari e par i soldai de la Serenissima co farina, acua e na ponta de sal, stirà come na gaéta e coto in forno par do volte, cussì vegniva cavà tuta l'acua (ecco parchè bi-scotto, cotto do volte). Che i gabia dà origine anca ai bussolai? cuea specie de grisin salà inrodolà a çercio e inpirà col fil de fero come na colana e tacàda a un ciodo in barca.

Bussolai de San Piero in Volta

L'enogastronomo veneto par antonomasia Bepi Maffioli scriveva che el frisopo, tanto el gera duro, che el vegniva desfregoeà dai marinai drento ea sopa de agio, segòla, acua, ogio e asèo.

Bussolai buraneli

Secondo el cogo venexian Bartolomeo Scappi, gran interprete dea cusina rinasimental, i bussolài de Buran saria i diretti disendenti.
Purtròpo ea riçeta, cuea original, xe andà persa.


Baicoli

Baicoli, dolse dea tradizion venexiana ricordà anca dall'Artusi nea soa version originae.
Ingredienti: farina de formento, butiro, late, sucaro, sal e levà de birra, acua. Se inpasta e se forma dei paneti, i se lassa sgionfar in un liogo tiepido, dopo in forno a fogo basso fin a metà cotura e, dopo aea fine, alto come par el pan. Dopo cualche ora, cuando i sarà desfredai ben, tagiarli de sbiego come el salàdo, a fetìne sottilissime, e metarli a biscotarse in forno a 170° par 10' girandoli fin che no i ga ciapà un bel color indorà-noxea.
Se messi in una scatoea de lata, i pol durar cualche mese.
Se dixe baicolo parchè el paneto ricorda ea figura dei sievoli picoli (cefali piccoli).



Se fati in cuesta maniera no i vien boni, xe megio andar a comprarli in pastiseria.