EL VENETO DE IERI, TRA VENDEMIE VACHE E ODOR DE MOSTO

Susy Carollo

Stasera gò fato cuatro ciacoe co Filippo, grande amigo, e parlavino de infansia, mi so stà fortunà, nata su na fameja de contadini, in mexo aj canpi coltivaj da sorgo formento e da orti che svariava de tuto e de pi'. tre vache un cavalo, conej gajne, arane can gati e anca pantegani,( NO I JERA GRANDI MA I GHE JERA ), ghe jera anca el mas-cio, poareto, a novenbre el gavea l'execusion, me nono nè parava via, mi da curioxa me scondeo, ma vedeo, i sighi i sentio, e i me faxea star mal, al terso novembre go deciso de star via, me ricordo a vendema,

me nono Bepi me faxea vendemar l'ua bassa, a la me altesa, e dopo doveo tirare sù i rajoti par tera, vien l'ora de maxenar l'ua, la se maxena, in mexo ragni baj cavaeete, de tuto e de pi', Bon, vien l'ora de pestar l'ua nea tina, me nono el me ciapa, el me cava scarpe e calseti, el me lava i piè co l'acua freda, el me fica rento a la tina, el me dixe: PESTAAAAAA,
Mi pesto, felice e contenta, sento soto i me piè na emosion, drio man se scalda i piè, drio man me scaldo mi, chi che no ga provà no poe capir, me nono me controlava co l'ocio serio ma furbastro, el ridea nel vardarme, no so gnancora riusia a capire se l'era pi' felise lu o mi, grasie Nono Bepi, par verme insegnà insieme a la Nona Giuditta tante robe bee, tipo far sù i massi de siolini, i massi de capusi, i massi de pansè rento a la nostra stala, che co vegnejo fora spusavino da vachete, ma no spusavino da merda come che tante persone spusa deso parchè e se crede l'assoluto, fiera de esar VENETA, fiera de esar nata su na fameja de contadini, fiera de esar amiga vostra, che SAMARCO ve protega.......